Membranas biolóxicas

Déixovos algunhas animacións interesantes sobre a estructura e composición das membranas biolóxicas:

Animación 1(En inglés, pero moi didáctica e doada de entender). Inclúe modalidades de transporte
Animación 2. Traducida ao español. As animacións desta páxina son xa atodo un clásico, e sempre espectaculares.
Animación 3. Está en inglés, pero é moi sinxela; invítavos a construir unha membrana escollendo os elementos adecuados.

Imaxe de http://www.shmoop.com

Entrevista a Venki Ramakrishnan

Hoxe mesmo, no xornal "Faro de Vigo" pubícase unha interesante entrevista  a o Premio Nobel de Química de 2009, Venki  Ramakrishnan, quen recibiu o galardón xunto a Thomas Steitz e Ada Yonath, polo seu traballo sobre os ribosomas bacterianos .
Podedes acceder á entrevista aquí

Niveis de condensación da cromatina

Olimpíada de Bioloxía

Déixovos  aquí a convocatoria da VIII Olimpíada de Bioloxía. Alguén se anima?

Ósmose interactiva

Nesta animación interactiva simúlase o comportamento dunha célula ante variacións da concentración de solutos no seu contorno e no citoplasma. No centro  aparece representada a membrana celular, á súa dereita está  o medio externo e á esquerda o interior da célula.  O punto de partida é unha situación de equilbrio, na que ambos medios son isotónicos. Se premedes no botón "update concentrations" aparecerán representadas as moléculas de auga (en azul) e os ións positivos e negativos do sal (verde e vermello). Ao premer no botón "Run model", as partículas aparecerán en movemento. Cos botóns de control que aparecen abaixo podedes modificar as concentracións de soluto e disolvente dentro e fóra da célula e observar o que acontece (non esquecer premer "Update concentratons" e "Run model" despois de facer calquer modificación). Despois de  manexar a animación e observar detidamente ás partículas de disolvente e soluto quizáis poidades contestar dúas preguntas:

1. Por que os ións do soluto non poden atravesar a membrana e as moléculas de auga sí?
2. Ao aumentar a concentración de sal nun compartimento, por que entran nel máis moléculas de auga das que saen?

Seguindo coa ósmose, no seguinte vídeo podedes ver a un paramecio, protista unicelular que vive en medios de auga doce, expulsando auga mediante o seu vacúolo pulsátil. Por que este organismo depende do funcionamento deste vacúolo?

Ciencia básica e ciencia aplicada

Un dos aspectos que tratamos en clase foi o da diferenciación entre  ciencia básica e ciencia aplicada. Supostamente a ciencia importante, a que realmente vai ter impacto na nosa calidade de vida , é a que busca aplicacións prácticas que proporcionarían ademáis rendemento económico. Así, buscar unha vacina contra a malaria ou a sida, sería ciencia aplicada, pero buscar exoplanetas sería ciencia básica. A primeira tería utilidade e debería financiarse máis ou menos xenerosamente, a segunda  non tería utilidade  e quizáis non deberíamos gastar diñeiro nela.... ou sí?. A charla de José Manuel López Nicolás  en Naukas Bilbao 2013 pode axudarnos a comprender que ciencia só hai unha; non existe a ciencia aplicada, existen as aplicacións da ciencia. E nunca se sabe onde imos atopar unha aplicación útil. Desfrutade da charla, e , se queredes máis, aquí tedes outras dúas interesantes charlas do mesmo autor.

Método científico

Para abrir as entradas do curso 2013-14, nada mellor que esta sinxela explicación de como funciona o método científico.

25 de Abril

O 25 de abril de 1953 publicábase na revista científica Nature un brevísimo artigo duns tales James Watson e Francis Crick onde propoñían un modelo para a estructura do ADN : a famosa dobre hélice. Como homenaxe, déixovos unhas secuencias da película "Life Story" da BBC, e un artigo publicado por Javier Sampedro en El País, lembrando o acontecemento.

As leis de Mendel

Esta é a animación sobre as leis de Mendel que vimos na clase:

ver animación

Ciclo celular e división celular

Aquí tedes algunhas animacións sobre o ciclo celular e os procesos de división celular:

Ciclo celular
Mitose
Meiose
Distribución dos cromosomas durante a meiose
Comparación mitose/meiose

Glicólise

A D-glicosa é o principal combustible da maioría das células e organismos . A glicosa é rica en enerxía; a súa oxidación completa a CO2 e H2O rende unhas 4 kcal/g.
A glicólise é a parte inicial da degradación ou catabolismo da glicosa; constitúe unha serie de 10 reaccións catalizadas por enzimas, nas que este composto de 6 átomos de carbono se transforma finalmente en dúas moléculas de piruvato (ou ácido pirúvico) de 3 átomos de carbono cada unha. No proceso, que ten lugar no citosol,  libérase a enerxía suficiente para sitetizar dúas moléculas de ATP e dúas de NADH+  por molécula de glicosa.  O piruvato é  unha molécula orgánica, polo que contén ainda bastante enerxía ; pero esa enerxía só poderá obterse se o piruvato se oxida completamente a moléculas inorgánicas.  Hoxe imos ver a glicólise e os destinos que pode seguir o piruvato resultante. Para empezar, déixovos algunhas animacións e un video moi divertido sobre este importantísimo proceso.
Animación 1(moi sinxela,útil para comprender o balance global)
Animación 2 (máis completa que a anterior, para seguir todas as reacción paso a paso)

Somos química

Chegados a esta altura do curso, xa vos teredes decatado da estreita relación entre a bioloxía e a química. Ambas son ciencias básicas e, a certos niveis, é imprescindible  ter uns coñecementos rudimentarios de química para entender o fenómeno que chamamos vida. E é que os seres vivos non só  estamos formados por substancias químicas, senón que moitas desas substancias están a transformarse noutras por medio dos procesos coñecidos como metabolismo. Obviamente tamén para comprender moitos aspectos da química é necesario coñecer rudimentos de bioloxía ; ao fin e ao cabo  as reaccións metabólicas  son unhas reaccións químicas moi peculiares. Como queira que algúns de vos estades preocupados polos vosos escasos coñecementos de química básica, déixovos unha  que pode ser de moita utilidade:
Quimicaweb: cambios químicos